शब्दालय

  अश्रुधारा (कविता) लगातार बहत्तर घण्टा भयो नेपालको आकाश रोएको नेपालको पाताल कति रुने हो नेपाली कति रुने हुन् कसैलाई थाहा छैन   यो अश्रुधारा कहाँ कहाँ जाने हो र कहाँ गएर जम्मा हुने हो केहि थाहा छैन जम्मा भएको कहाँ कहाँका बस्ती पस्ने हो र कहाँको डाँडा उक्लने हो नेपालको धर्तीमा खसेको अश्रुधाराले कहाँ कहाँका राजमार्ग हिड्ने हो कहाँका मान्छे घर छिमेक गाउँ र नगरमा छिर्ने हो केहि थाहा छैन   देश यस्तो अवस्थामा भइरहँदा ‘ देशनायक ’ कता अन्तै छन् रे सकल देशको एकस्वर छ “ स्वदेश फर्क देशनायक !” - २०८१ असोज १२ -

 स्वप्नभंग ... र सर्वप्रथम म त्यहाँ पुग्नेछु । अनि दायाँ बायाँ चारैतिर परपरसम्म नियाल्नेछु । पर कतै रुखका बोट देखिनेछैनन् । त्यहाँ न खोला देखिनेछ , न बगरको अवशेप देखिनेछ । न त्यहाँ नेपालमा पाइने जस्तो ढुङ्गा नै पाइनेछ । यतिसम्म कि झारको अनुहारसम्म देख्न पाइनेछैन । भनौँ न , हरियोको ‘ ह ’ सम्म देखिनेछैन । यसरी पनि भन्न मिल्यो , बालुवाबाहेक केहि नभएको एकरुपको सतहमा पाहिला टेकिरहेको हुनेछु । हो , बालुवैबालुवा ! न पानी , न बिरुवा । यस्तोमा म हुनेछु । अनि नजिकै रहेका ऊँठबाला दाजुलाई सोध्नेछु – ‘ चढ्न मिल्ला ?’ उनी ऊँठ चढेर त्यो सुख्खाभूमि घुम्न दिनेछन् । त्यसको लागि पनि कुनै शुल्क लिनेछैनन् । म फेरि खुसी हुनेछु । म फेरि उनलाई ‘ धन्यवाद ’ दिनेछु । ऊठमा चढेपछि म चारैतिरको एकनासे सतह बढ्ता देख्नपाउनेछु ।   केहि अघि देखिनेछ बालुवाको विशाल ढिस्को । म ती दाजुलाई भन्नेछु – ‘ त्यसमाथी चढ्न मिल्छ ?’ । उनी सहजै ढिस्कोमा पनि चढ्न दिनेछन् । म ऊँठबाट ‌ओर्लिएर सो ढिस्को चुम्न चढ्नेछु । जतिजति म चढ्दै जानेछु , त्यहाँ अचम्म हुनेछ ! जब म त्यसमाथि चढ्नेछु तब एउटा घटना घट्नेछ । म ढि...

  अबुझ मन   तिमी कसैले गाली गर्दा मन नदुखाउनु भन्छौ मेरो चाहा पनि त्यहि हुन्छ तर मनको प्रकृति तिमी मैले चाहे जस्तो कहाँ हुँदो रहेछ र मन आफसे आफ दुखिहाल्छ ऊ बुझ्दैन हाम्रो कुरा ।     …………………     ‘ म ’ भित्र दुईटा ‘ म ’ मभित्र दुईटा ‘ म ’ छन् एउटा म अर्को मन म र मनबिच मनमुटाव भइरहन्छ   म भन्छु - सक्दिनँ ऊ भन्छ - सक्छस् म भन्छु - जाँगर छैन ऊ भन्छ - जाग् म भन्छु - खान्छु ऊ भन्छ - नखा म भन्छु - हेर्छु ऊ भन्छ - नहेर् म भन्छु - कोसिस गर्छु ऊ भन्छ - सफल हो म भन्छु - गरिब छु ऊ - धनी भइन्छ म रोइदिन्छु ऊ भन्छ - नरो म भन्छु - विहे गर्दिनँ ऊ भन्छ - विहे गर् म भन्छु - विदेश जान्छु ऊ भन्छ - नजा म भन्छु - पढ्छु ऊ भन्छ - के काम म भन्छु - मान्छे बराबर हो ऊ भन्छ - पुर्खाले मानेको मान् म भन्छु - उठ्नुछ ऊ भन्छ - सुतिराख् म सहजता खोज्छु ऊ भन्छ - कहाँ सम्भव म काममा रमाएको बेला ऊ भन्छ - आराम गर् मलाई अल्छि लागेका बेला ऊ भन्छ - अल्छि नगर् म भ...