जब दर्शनका कविता पढेँ...

 

   जब दर्शनका कविता पढेँ

मैले जीवनबारे एउटा कविता पढेँ

कविताले जीवन बुझायो

र बुझेको लेख्न थालेँ कवितामै

सृष्टिबारे पनि एउटा कविता पढेँ

कविताले सृष्टि सार बुझायो

र बुझेको लेख्न थालेँ कवितामै

मैले प्रकृति पढेँ पर्याकवितामा

कविताले मलाई प्रकृति बुझायो

र बुझेको लेख्न थालेँ कवितामै

आज देश र देशभक्ति बारेको कविता पनि पढेँ

त्यसले मलाई देश र देशभक्तिबारे बुझायो

र बुझेको लेख्न थालेँ कवितामै

जीवन र जगतबारे सुक्ष्म दृष्टि दिने

दर्शनका कविता पनि पढेँ

कविताले मलाई जीवन र जगतबारे सारा बुझायो

र बुझेको लेखेँ आफ्नै कवितामा

कविता यहि हो

 

जब मैले दर्शनका कविता पढेँ

अब के पढूँ

के बुझूँ

र के लेखूँ

जब दर्शन पढेँ

यसभन्दा पर

पढ्नुपर्ने

बुझ्नुपर्ने

लेख्नुपर्ने

केहि रहेन – २०८१ कार्तिक २४