कविता, ओ गुलाबीवाली

ओ गुलाबीवाली

-भुवन अथर -





कान्छी 

ओ गुलाबीवाली

यता हेर

जहाँ म छु

ओ कान्छी


नबोली बसे कहाँ बस्छ माया

नबोली बसे कसरी हो चिन्ने

मतिर हेर

बोलौँ 

ओ गुलाबीवाली कान्छी


तिमीसँग पहिलोचोटी बोलेको याद छ

याद छ नजर त्यो 

जो पहिलोचोटी जुधेथ्यो

त्यसपछिको केही याद छैन 

ओ अपरिचित गुलाबीवाली


खासमा

तिम्रो नाम सम्म याद छैन मलाई

याद हुँदो हो त

म त्यहि नाम याद गरिबस्थेँ

तिम्रो यो कवितामा 

तिम्रै नामको

सम्बोधन हुन्थ्यो 

मलाई त यत्ति भन्न आउँछ 

ओ गुलाबीवाली कान्छी 

गुलाबी स्वीटरवाली कान्छी


आऊ 

प्रित लगाऊँ 

ओ कान्छी

ओ गुलाबीवाली

(२०८०/१२/१०)




Comments

Post a Comment

Popular posts from this blog

यतिखेर मेरो गाउँमा

Image
  यतिखेर मेरो गाउँमा  - भुवन अथर  यतिखेर मेरो गाउँमा बसन्ती आएकी होलिन्। गाउँ वरिपरि पहाडसँग समानान्तर भएर रङ्गीन गुराँसे रेखाहरू कुनै सुन्दर स्त्रीका  गलामा अर्पित मालाजस्तै  बसेका होलान् लहरै। खेतहरूमा, आँगनहरूमा, वनहरूमा, गाउँलेका मनहरूमा फूल्दै होलिन् मोहिनी गुराँस। डाँडाहरूलाई वरिपरि राखेर, गाउँलाई बीचमा पारेर, परपरसम्म लगातार  सुनाइरहेकी होलिन् कोहिलीले देउडा गीत। गुञ्जन थाले होलान् गोठालाहरूका मन जोड्ने जीवन बोल्ने  वासन्ती भाकाहरू, वनका लम्बेतान सुसेलीहरू । गोधुँली साँझतिर  टाढा टाढाका बटुवाहरु देउरालीमा बसेर सुस्केराका बिसौनीहरुमा जीवनका सारा बिरह बिसाउँदै होलान् गरिबी, अशिक्षा र अभावले सेकिएको गाउँको ढाडमा वरपिपलले आफ्नो छहारी छर्दै शीतलता संचार गर्दै होलान्। पानी पर्नुअघिको हतास बतास गाउँका कुनाकुना, रुखका पातपात, अन्नका दानादानामा दगुर्दै होला पानी परेपछिको मौन हावा सबैमा शान्ति भर्न जाँदो हो । रुखका काण्ड-काण्ड र पात-पातमा पोतिँदै होला जीवनको हरियो रङ्ग, रुखका कापामा बन्दै होलान् ओतिने घर। पहाडका भित्ताभित्रबाट फुट्दै होलान् पानीका मु...
Read more

कविता, हावा-जीवन

Image
  हावा - जीवन - भुवन अथर - कसैको जीन्दगीका पानाहरु यो हावाले पल्टाइरहेछ तर यो हावा भरपर्दो छैन   यो यस्तो हावा हो जो पढ्दैन , पल्टाइराख्छ मात्र   यसको पल्टाईमा कुनै समान दिशा छैन न कुनै समान गति छ नियमितता छैन आकस्मिकता छ   अनियमितता र आकस्मिकताबिचै यी पानाहरु च्यातिन सक्छन् र भुँइको छारोझैँ नचाइन सक्छन्   यहाँ एक अचम्म भइरहेछ हावाकै गतिमा यी पाना पल्टिरहेछन् हावाकै लयमा यी पाना नाचिरहेछन्   यो हावा यस्तो अनैतिक र अराजक छ यसले यी पाना नपढेर वा नपल्टाएर पर हुत्याइदिन सक्छ   हुत्याएर कुनै निर्जन ठाउँमा फालिदिन सक्छ जहाँ यी पानाहरुको कुनै काम हुन्न हुत्याएर कुनै भिडमा झारिदिन सक्छ त्यहाँ यिनको महत्त्व नै महत्त्वहिन हुन सक्छ हुत्याएर पानीमा पोखिदिन सक्छ र पढ्नै नसकिने अस्पष्ट पारिदिन सक्छ हुत्याएर कुनै बाटोमा मिल्काइदिन सक्छ अनि कसैले पढ्न सक्ला वा नपढ्न सक्ला भन्न नसकिन सक्छ हुत्याएर कुनै रुखका कापामा अल्झाइदिन सक्छ आयु रहेसम्म कापामै रहन सक्ला आयु सकिए सकिन सक्छ...
Read more

माया चै लेऊ ल

Image
  माया चै लेऊ ल               - भुवन अथर स्वीकार गर्छु अस्वीकार तिम्रो स्वीकृति देऊ ल मन नलिए नि मनभरीको यो माया चै लेऊ ल   नरोऊ त्यति रोएर तिम्रो आँशु नि सुकला रुवाउने आउँदा रुनलाई फेरी बाँकी नरहला दिनलाई आँशु मसँग छैन तिमी नरोऊ ल मन नलिए नि मनभरीको यो माया चै लेऊ ल।१।   दुखी त यहाँ म हुनुपर्ने तिमी पो दुखी छ्यौ सुखमा तिमी बस्नु पो पर्छ त्यो दुख मलाई देऊ चोटहरुले पो चट्टान बन्छु अझैँ चोट देऊ ल मन नलिए नि मनभरीको यो माया चै लेऊ ल।२।   सँगसँगै हुनु , जोडिनु मात्र त्यो कहाँ माया हो अलग हुनु , जोडिनु अझ प्रगाढ माया हो छायाँ भए भो तिमी चै टाढाटाढा भैदेऊ ल मन नलिए नि मनभरीको यो माया चै लेऊ ल।३।   एक्लै हिडेको आजसम्मको यो बाटो सकियो अचम्म भयो आजको घुम्ती मतर्फै मोडियो फर्कन्छु फिर्ता मेरा पछाडी तिमी नआऊ ल मन नलिए नि मनभरीको यो माया चै लेऊ ल।४।   चाहिए मलाई मायाको न्यानो तिमी सम्झनेछु नपाएसम्म जुनीजुनीभर तपस्या बस्नेछु अहिले मलाई बस्नुछ एक्लै ति...
Read more